Ansu Fati xəbərləri

Ansu Fati 31 oktyabr 2002-ci ildə Qvineya-Bisaunun paytaxtı Bisauda anadan olub. Uşaq yaşlarında ailəsi ilə İspaniyaya köçən hücumçu İspaniya vətəndaşıdır, boyu 178 sm-dir.

Fati Barselonanın La Masia akademiyasında yetişib və 2019-cu ildə, 16 yaşında əsas komandada debüt edib. Qısa müddətdə bir sıra rekordların ən gənc sahibinə çevrilib, Barselonanın əfsanəvi 10 nömrəli formasını da geyinib. Lakin ağır zədələr karyerasını yavaşladıb. Sonra İngiltərənin Brayton klubunda icarədə oynayıb, daha sonra Fransanın Monako klubuna keçib. Ansu Fati gənc yaşına baxmayaraq böyük təcrübə toplayıb və karyerasını yenidən qurmağa çalışan istedadlı futbolçular sırasında anılır.

İspaniya millisinin formasını da geyinən Ansu Fatinin oyunları, zədələri və transfer xəbərləri bu səhifədə toplanır.