AFFA D kateqoriyalı məşqçi kursuna start verdi

10 noyabr 2026, Çərşənbə axşamı. AFFA-nın qəbul etdiyi Futbolun İnkişaf Strategiyasına uyğun olaraq noyabrın 10-da Bayıl stadionundakı Futbol İnkişaf Mərkəzində D kateqoriyalı məşqçi kursunun növbəti təlimləri başlayıb. Bu barədə Sportal.az məlumat yayıb.

Kursun açılış mərasimində Bakı Futbol Federasiyasının (BFF) prezidenti Tahir Süleymanov çıxış edərək D kurslarının mahiyyəti və əhəmiyyəti barədə məlumat verib və iştirakçılara uğurlar arzulayıb. Təlim AFFA-nın məşqçi-təlimatçıları İlham Əzizzadə və Mehdi İbrahimov tərəfindən aparılır.

Bu mövsüm AFFA və BFF-in birgə təşkil etdiyi dördüncü D kateqoriyalı kursun özəlliyi region liqası komandalarında çalışan, lakin sertifikatı olmayan məşqçilər, əməkdaşlar və rəsmi şəxslər üçün kateqoriya alma imkanının yaradılmasıdır. Kurs noyabrın 12-dək davam edəcək; təlimi uğurla başa vuran iştirakçılara sertifikatlar təqdim olunacaq.

Kursa cəlb olunan məşqçi və klub nümayəndələri aşağıdakılardır:

• Emin Hüseynov (Fençinq FK)
• Elmir Zodanov (Fençinq FK)
• Ceyhun Əliyev (Fençinq FK)
• Baloğlan Həsənov (Ramana FK)
• Kamran Məmmədli (Mil İK)
• Fərid Şirinzadə (Cəngi FK)
• Elçin Həsənov (Xan Çinar FK)
• Qanı Nəsirov (Topçular FK)
• Zaur Mustafayev (Mübariz, Binə)
• Asiman Cəfərli (Kaspian FK)
• Namiq Teyyubov (Qaradağ Şıxlar FK)
• Yalçın Əliyev (İnşaatçı Sabirabad FK)
• Elbrus Baxşaliyev (Qobustan FK)

Mənbə: Sportal.az

Hazırladı: GettoSport