Alan Şirer Maykl Karriki əvəz edə biləcək namizədləri təklif etdi

19 oktyabr 2026 — Nyukaslın sabiq hücumçusu Alan Şirer "Mançester Yunayted"in baş məşqçisi Maykl Karrikin vəzifəsindən ayrılması ehtimalı barədə fikirlərini açıqlayıb və onun yerinə ola biləcək namizədləri səsləndirib.

Şirer Karrikin əvəzlənməsi halında üç məşqçi üzərində dayandığını bildirib: Fabian Hürzeler, Eddi Hou və Antonio Konte. O, həm meydanda, həm də klub daxilindəki rəhbərlik problemlərinin komandanın çıxışına təsir etdiyini vurğulayıb.

"Düşünürəm ki, həm meydanda, həm də ondan kənarda ciddi problemlər var. Həmişə demişəm ki, klubun yuxarı eşelonunda baş verənlər meydandakı oyuna da təsir edir. Artıq uzun müddətdir bunun şahidi oluruq," Şirer söyləyib. O, əlavə edib ki, "Karrikin vəzifəsindən azad edilsə, Hürzeler yaxşı əvəzləyici ola bilər. Amma Brayton-da tamamilə fərqli iş modeli var. Eddi Houya da diqqət yetirmək lazımdır. Antonio Konte variantını da nəzərdən keçirmək olar."

Şirer həmçinin nəticələrin vacibliyini qeyd edib: "Məhz buna görə, Mayklın nəticə qazanması çox vacibdir. Əks halda, digər namizədlərin adları onun gələcəyi ilə bağlı müzakirələrdə çəkilməyə davam edəcək." Cari mövsümdə "Mançester Yunayted" İngiltərə Premyer Liqasında 6 oyunda cəmi 6 xal toplayıb.

Mənbə: GettoSport