Aleks Volkanovski Castin Geyciyə vida döyüşü təklif etdi

UFC çempionu Aleks Volkanovski tanınmış idmançı Castin Geyciyə vida xarakterli qarşılaşma təşkil etməyi təklif edib. O, hər iki döyüşçünün titul kəmərlərindən imtina edərək idman yollarını eyni anda tamamlaya biləcəklərini dilə gətirib.

Volkanovski açıqlamasında həmkarının gələcək planları barədə hələ qəti qərara gəlmədiyini bildirib: "Geyci hələ də nə istədiyini tam bilmir. Amma əgər o, daha bir döyüş keçirmək istəsə, bunu onunla birlikdə edə bilərəm. Gəlin superdöyüş təşkil edək, sonra kəmərləri azad edək və karyeramıza son qoyaq".

Çempion qeyd edib ki, onun mövqeyi digər idmançıların titul şanslarını əldə etməsinə mane olur və bu təşəbbüs divizionda yeni imkanlar açacaq: "Divizionlar öz işləri ilə məşğul olar, biz isə nağıl kimi vida döyüşü keçirərik və uzaqlaşarıq. Həmişə demişəm ki, divizionu ləngitmək istəmirəm. Amma mən çempion olduğum müddətdə hər şey dayanır, çünki bir çox idmançı öz şansını gözləyir".

Xatırladaq ki, oktyabrın 24-də Volkanovski Mavsar Evloyevlə qarşılaşaraq çempionluq kəmərini qorumağa çalışacaq. İdmançı bu matçdan sonra karyerasını dərhal bitirməyi və ya uzun müddət davam etdirməyi planlaşdırmadığını vurğulayıb.

Mənbə: GettoSport