Ander Errera Saraqosada maaşından imtina edib

19 oktyabr 2026 — Ander Errera, karyerasında Mançester Yunayted və PSJ-də oynayan 37 yaşlı yarımmüdafiəçi, peşəkar karyerasına başladığı ispan klubu Saraqosada aldığı bütün maaşı klubun fonduna köçürərək faktiki olaraq ödənişsiz çıxış edir.

Errera yayda Argentinanın Boca Juniors klubundan ayrıldıqdan sonra doğma komandaya qayıdıb. İspaniya futbolçularının həmkarlar ittifaqının tələblərinə görə klub oyunçuya illik ən azı 25 min avro ödəməlidir, lakin futbolçu həmin məbləği özündə saxlamır və əldə etdiyi vəsaiti Saraqosanın hesabına verib.

Futbolçu qərarını belə əsaslandırıb: “Karyeramla və əvvəllər qazanc əldə edə bilməyimlə çox fəxr edirəm. Artıq pula ehtiyacım yoxdur. Böyüdüyüm şəhərə kömək etmək üçün Saraqosada pulsuz oynamaq istəyirdim”.

Qeyd olunur ki, ötən mövsüm Saraqosa Sequndanı 22-ci, sonuncu pillədə başa vuraraq üçüncü diviziona düşüb. Errera isə doğma komandaya geri dönüşünü məhz bu şəraitdə reallaşdırıb.

Mənbə: GettoSport