Araz-Naxçıvan stadionu 2027-də yenidən qurulmağa başlayacaq

15 oktyabr 2026. Naxçıvan — Naxçıvan şəhər stadionunun yenidən qurulması işlərinə 2027-ci ildə başlanacaq.

Dörd layihə yerli Nazirlər Kabinetinə təqdim edilib və onlardan biri yaxın zamanlarda seçiləcək. Seçilən layihə əsasında kompleks təmir-tikinti işlərinə start veriləcək və işlərin bir neçə ay ərzində əsaslı şəkildə tamamlanması nəzərdə tutulur. Layihənin icrasının böyük ehtimalla Türkiyə şirkətlərindən birinə həvalə ediləcəyi bildirilir.

Plana əsasən stadionun gələn ilin yayında hazır vəziyyətə gətirilməsi nəzərdə tutulur. Bu reallaşarsa, Premyer Liqada çıxış edən Araz-Naxçıvan klubu dörd illik fasilədən sonra doğma arenaya qayıda biləcək. Klub sonuncu dəfə burada 2024-cü ilin mayında çıxış edib və həmin vaxt I Liqanı çempion kimi başa vurmuşdu.

Premyer Liqaya vəsiqə qazanandan sonra Araz-Naxçıvan Bakıya köçmüş, son iki mövsümdə rəqiblərini Mərdəkanda qəbul etmiş və hazırda Şamaxıda məskunlaşıb. Stadion layihəsinin seçimi və təmir-tikinti işlərinin başlanması ilə bağlı qərarlar yaxın günlərdə rəsmiləşdiriləcək.

Mənbə: GettoSport