Arsenal ixtisara hazırlayır: təxminən 60 iş yerinin ləğvi planlanır

14 oktyabr 2026 — İngiltərənin son çempionu Arsenal rəhbərliyi xərcləri azaltmaq üzrə proqram çərçivəsində təxminən 60 iş yerinin ixtisarını nəzərdən keçirir. Klub rəhbərliyinin bu qərarı haqqında əməkdaşlar artıq məlumatlandırılıb.

Məlumatlara görə, ixtisarlar klubun bir neçə struktur bölməsini əhatə edəcək. Eyni zamanda məşqçilər korpusu, fiziki hazırlıq üzrə mütəxəssislər, kişilər və qadın komandalarının fəaliyyəti ilə birbaşa məşğul olan heyət, təhlükəsizlik xidməti, xeyriyyə fondu və qadın komandası ilə bağlı əməkdaşlar bu prosesdən kənarda qalacaq.

Klub daxilində ixtisar paketinin detalları və son qərar hələ də müzakirə olunur və dəyişikliklər mümkündür. Qeyd edilir ki, bu addım Premyer Liqa çempionluğu və Çempionlar Liqasının finalına yüksəlmədən bir neçə ay sonra planlaşdırılır.

Arsenal 2024/2025 maliyyə ilində 691 milyon funt-sterlinq rekord gəlir əldə edib, lakin həmin hesabat dövrü 1,4 milyon funt-sterlinq zərərlə başa çatıb. Xatırladaq ki, klub 2020-ci ildə koronavirus pandemiyası fonunda 55 əməkdaşın ixtisarını elan etmişdi.

Mənbə: GettoSport