Asif Məmmədov Zəfər Günü xatirələrini danışdı

8 noyabr 2026 — “Qəbələ”nin kapitanı, Ağdamın Abdal-Gülablı kəndindən olan 40 yaşlı Asif Məmmədov Zəfər Günündə 44 günlük Vətən müharibəsi dövrü xatirələrini və könüllü qatılma təcrübəsini bölüşdü. Bu barədə Sportinfo.az məlumat yayıb.

Məmmədov bildirib ki, Zəfər Günü münasibətilə çoxsaylı təbriklər alıb və qələbəni şəhidlər, qazilər, veteranlar və xalqın ümumi uğuru kimi qiymətləndirir. O deyib: “Bu, bütün Azərbaycanın qələbəsidir.”

Futbolçu danışmasında qeyd edib ki, müharibə başlayandan bir gün sonra — sentyabrın 28-də Ağdama gedib. Orada tanışları Müşfiq Abbasov, xalam oğlu Elşən və başqaları ilə bir araya gəlib, sonra isə postlarda xidmətə başlayıb. Məmmədovun sözlərinə görə, həmin dövrdə Ağdamda əsas döyüş gedən istiqamətlərdən çoxu başqa bölgələrə yönləndirildiği üçün postlarda ərazini tanıyan az sayda hərbçi qalmışdı.

O qeyd edib ki, postlarda ümumilikdə maksimum 30 nəfər olub və orada gizirlər, leytenantlar və döyüş təcrübəsi olmayan gənc hərbçilər var idi. Sonradan müharibə təcrübəsi olan veteranların da axşam postlara kömək məqsədilə gəldikləri bildirilib.

Məmmədov həmçinin torpaqların azad olunmasının ona böyük qürur verdiyini, əvvəllər ermənilərlə üz-üzə gələndə psixoloji çətinliklər yaşadığını, amma indi daha rahat olduğunu vurğulayıb: “Əsas odur ki, biz müharibəni qazanmışıq.”

Mənbə: Sportinfo.az

Hazırladı: GettoSport