Azərbaycan cüdoçuları Düşənbədə medal mübarizəsinə çıxdı

24 oktyabr 2026 — Tacikistanın paytaxtı Düşənbədə keçirilən gənclər arasında cüdo üzrə Qran-pri turnirində Azərbaycan millisi medal uğrunda mübarizəyə qoşulub. Beynəlxalq Cüdo Federasiyasının təqviminə daxil edilən bu il ilk dəfə təşkil olunan yarışda komandamızdan 12 idmançı ilk gündə tatamiyə çıxıb.

Onlardan dördü final blokuna yüksələrək medal üçün mübarizə aparacaq. 63 kq çəki dərəcəsində Hanna Zaytseva və Nilgün Rzayeva bürünc medal görüşlərinə çıxacaq, 57 kq-da Xədicə Qədəşova isə bürünc uğrunda qarşılaşmada özbəkistanlı Maftuna Əhmədova ilə üz-üzə gələcək.

Həmçinin 57 kq çəkidə Vüsalə Hacıyeva finala yüksələrək polşalı Emilia Bielavskaya ilə qızıl medal üçün döyüşəcək. Final bloku Bakı vaxtı ilə saat 16:00-da başlayacaq.

Turnir Dünya Cüdo Turunun proqramına daxil edilib və yarış oktyabrın 25-də yekunlaşacaq.

Mənbə: GettoSport