Azərbaycan güləş milliləri fizioterapistlərlə təmin olunacaq

22 oktyabr 2026. Azərbaycan Güləş Federasiyası bildirir ki, federasiya ilə Azərbaycan İdman Akademiyasının (ASA) birgə layihəsi çərçivəsində ölkənin bütün yaş qrupları üzrə güləş milli komandaları fizioterapistlərlə təmin olunacaq.

Tədbirdə məşqçilər və fizioterapistlər arasında əməkdaşlığın forması, məşq prosesində fizioterapistlərin rolu, fəaliyyət prinsipləri və gözləntilərin düzgün müəyyənləşdirilməsi əsas müzakirə mövzusu olub. Həmçinin gənc mütəxəssislərin U-15, U-17 və U-20 komandalarının məşq prosesinə cəlb olunması və onların nəzəri-praktiki biliklərinin təkmilləşdirilməsi vurğulanıb.

Proqram çərçivəsində tələbələr böyüklərdən ibarət milli komandalarında çalışan peşəkar həmkarların təcrübəsindən faydalanacaq. Praktiki təcrübə müddətində fəallığı və peşəkarlığı ilə seçilən tələbələrin gələcəkdə daimi işlə təmin olunması nəzərdə tutulur.

Layihənin həyata keçirilməsi nəticəsində ilk dəfə olaraq bütün yaş qrupları üzrə güləş milliləri fizioterapistlərlə təmin olunacaq.

Mənbə: GettoSport