Azərbaycan karateçiləri Hindistandan 12 medalla qayıtdı

11 oktyabr 2026 — Hindistanın Pune şəhərində 7-10 oktyabr tarixlərində keçirilən VIII Dünya Qocyu-Ryu Karate Çempionatında çıxış edən Azərbaycan nümayəndə heyəti ölkəyə qayıdıb və Heydər Əliyev Beynəlxalq Aeroportunda qarşılanma mərasimi keçirilib.

Tədbirdə Azərbaycan Karate Federasiyasının prezidentinin köməkçisi Vüsal Abdullazadə, media nümayəndələri, idmançıların ailə üzvləri və digər yaxınları iştirak edib. Bayram əhval-ruhiyyəsində keçən mərasimdə heyət alqışlarla qarşılanıb.

Azərbaycan idmançıları ümumilikdə 12 medal qazanıblar: 6 qızıl, 2 gümüş və 4 bürünc. Medallardan 10-u fərdi, 2-si isə komanda yarışlarında əldə olunub.

Fərdi yarışlarda dünya çempionu olanlar: İsmayıl İsayev (8-9 yaş, 27 kq), Çingizxan Cəfərli (10-11 yaş, 43 kq), Əli Əhmədov (12-13 yaş, 43 kq), Aydın Rzayev (12-13 yaş, 55 kq) və Anar Sadıqov (35-45 yaş, veteranlar).

Gümüş medal Adnan Abuşova (10-11 yaş, 36 kq) verilib. Bürünc medalları isə Əli Abdullayev (12-13 yaş, 40 kq), Məhəmməd Cahangirov (12-13 yaş, 40 kq), Vladimir Qrimzin (12-13 yaş, 55 kq) və Qadir Hüseynov (35-45 yaş, veteranlar) qazanıb.

Komanda yarışlarında 12-13 yaş qrupundan ibarət Azərbaycan yığması dünya çempionu olub, 10-11 yaşlılardan ibarət komanda isə gümüş medal əldə edib. Nümayəndə heyətinə Nurlan Quliyev rəhbərlik edib; idmançıların çıxışlarını məşqçilər Röya Səfərov və Elmin İsayev idarə ediblər.

Mənbə: GettoSport