Azərbaycan klubları avrokuboklarda qələbə rekordu qırdı

Azərbaycan təmsilçiləri avrokubokların 2026/2027-ci illər mövsümündə qələbə sayına görə ölkə tarixinin yeni rekordunu müəyyənləşdirib. Bu göstərici UEFA Çempionlar Liqasının Liqa mərhələsinin ikinci turunda "Sabah" komandasının Çexiyanın "Slaviya" klubunu 2:0 hesabı ilə üstələməsi nəticəsində qeydə alınıb.

Həmin nəticə Azərbaycan klublarının cari avrokubok mövsümündəki ümumilikdə 14-cü qələbəsi olub. Bununla da 2023/2024-cü illər mövsümünə aid 13 qələbəlik əvvəlki rekord yenilənib. Cari mövsümdə qazanılan qalibiyyətlərdən 7-si "Sabah"ın, 4-ü "Qarabağ"ın, 2-si "Zirə"nin, 1-i isə "Neftçi"nin payına düşüb.

Qazanılan xallar ölkənin UEFA reytinqindəki mövqeyinə də müsbət təsir göstərib. Azərbaycanın cari mövsümdəki əmsalı 5,625-ə, son beş mövsümün nəticələrinə əsaslanan xalı isə 24,187-yə çatıb. Beləliklə, aktivində 24,125 xal olan İsraili geridə qoyan Azərbaycan bir pillə irəliləyərək 24-cü sıraya yüksəlib.

Mənbə: GettoSport