Azərbaycan klubları Avropa Kubokuna qələbə ilə başladı

18 oktyabr 2026. Budva, Monteneqro — Şahmat üzrə klublararası Avropa Kubokunda Azərbaycan təmsilçiləri ilk turu qələbələrlə başa vurublar.

Kişilərin yarışında Vüqar Həşimov klubu Niderlandın Verden komandasını 6:0 hesabı ilə məğlub edib. Komandanın heyətində Aydın Süleymanlı, Xəzər Babazadə, Şiroğlan Talıbov, Read Səmədov, Vüqar Manafov və Kənan Qarayev qalib gəliblər.

Qadınlar yarışında Odlar Yurdu komandası İsveçin Vasa klubunu 4:0 hesabı ilə üstələyib. Ülviyyə Fətəliyeva, Gövhər Beydullayeva, Xanım Balacayeva və Gülnar Məmmədova rəqiblərinə qalib gəliblər.

Turnirin reytinq siyahısına görə Odlar Yurdu 22 komanda arasında beşinci, Vüqar Həşimov isə açıq turnirdə 108 kollektiv arasında səkkizinci sıradadır. Yarış ümumilikdə 130 klubun iştirak etdiyi rekord tədbir hesab olunur: 108 komanda açıq, 22 komanda isə qadınlar yarışında çıxış edir.

Turnir İsveçrə sistemi ilə keçirilir və yeddi turdan ibarətdir; Avropa Kuboku oktyabrın 23-də başa çatacaq. Kişilər arasında reytinq favoriti Türkiyənin Beyegan Pendik klubudur; həmin komandada Azərbaycan qrossmeysteri Şəhriyar Məmmədyarov çıxış edir.

Mənbə: GettoSport