Azərbaycan Krasnoyarskdakı idman forumunda iştirak etdi

Azərbaycan nümayəndələri 21–23 oktyabr 2026 tarixlərində Krasnoyarskdakı 14-cü Beynəlxalq İdman Forumunda Milli Olimpiya Komitəsini təmsil ediblər.

GettoSport redaksiyası•23:31 · 48 dəqiqə əvvəl•1 dəq oxu

Paylaş

Oxundu Sonra oxu

Krasnoyarskda idman forumunda Azərbaycan nümayəndələri Həsənağa Rzayev və Fatimə Alkərəmova — Foto: İdman.biz

22 oktyabr 2026, Cümə axşamı. Rusiyanın Krasnoyarsk şəhərində oktyabrın 21-də başlayan və 23-dək davam edən 14-cü “Rusiya - idman dövlətidir” Beynəlxalq İdman Forumunda Azərbaycan da təmsil olunub.

Ölkəmizi tədbirdə Milli Olimpiya Komitəsinin idman idarəsinin müdiri Həsənağa Rzayev və Atletlər Komissiyasının üzvü, Rio-2016 iştirakçısı üzgüçü Fatimə Alkərəmova təmsil ediblər.

Forum çərçivəsində Milli Olimpiya Komitələrinin Atletlər Komissiyalarının nümayəndələri üçün “MOK Atletlər Komissiyası: İştirakdan idarəetməyə doğru” mövzusunda xüsusi sessiya təşkil olunub.

Tədbirin proqramında idman sənayesində yeni texnologiyaların sərgisi, ustad dərsləri və müxtəlif idman-kütləvi tədbirlər də yer alıb.