Bakı Tennis Akademiyası paytaxt çempionatına start verdi

20 oktyabr 2026 — Bu gün, oktyabrın 20-də Bakı Tennis Akademiyasında kişilər və qadınlar arasında paytaxt tennis çempionatına start verilib. Yarış oktyabrın 20-dən 23-dək davam edəcək.

Turnirdə 14 yaş və daha yuxarı tennisçilər iştirak edə bilərlər. Qalib və mükafatçılar kişilər və qadınlar arasında həm fərdi, həm də cütlük yarışlarında müəyyənləşəcək. Görüşlər sərt örtüklü kortlarda keçirilir.

Paytaxt çempionatı oktyabr ayının zəngin tennis təqviminin tərkib hissəsidir: oktyabrın 13–17-də Bakıda müxtəlif yaş kateqoriyaları üzrə gənc tennisçilər arasında respublika birinciliyi keçirilib.

Bundan əlavə, oktyabrın 26–30-da eyni məkan — Bakı Tennis Akademiyasında 14 yaş və daha yuxarı idmançılar arasında Azərbaycan çempionatı təşkil olunacaq.

Mənbə: GettoSport