Borussiya Bakıda stadionla bağlı zarafat etdi

20 oktyabr 2026 — Çempionlar Liqasının Liqa mərhələsinin III turu çərçivəsində Dortmundun Borussiya komandası oktyabrın 20-də saat 20:45-də Bakı Olimpiya Stadionunda keçiriləcək Sabah–Borussiya matçı öncəsi sosial media hesabında diqqət çəkən paylaşım edib.

Alman klubunun paylaşdığı videonun üzərinə yazılan yumoristik qeyddə stadion üçün “Biz buraya sadəcə ‘Olimpiya Stadionu’ deyirik. Halbuki burada heç vaxt Olimpiya Oyunları keçirilməyib. Onsuz da heç vaxt fərqinə varmayacaqlar” ifadəsi yer alıb. Paylaşımın qeyd yerində isə “Deyəsən, burada ağıllı insanlar var” sözləri əlavə olunub.

Stadionun keçmişi

Bakı Olimpiya Stadionunda indiyədək Yay və ya Qış Olimpiadası keçirilməyib. Arena 2015-ci ildə keçirilən ilk Avropa Oyunlarının əsas idman obyekti olub və açılışla bağlanış mərasimlərinə, eləcə də atletika yarışlarına ev sahibliyi edib.

2017-ci ildə stadion IV İslam Həmrəyliyi Oyunlarının əsas yarış sahələrindən biri olub. 2019-cu ildə isə Böyük Britaniyanın Çelsi və Arsenal komandaları arasında keçirilən Avropa Liqasının finalı (4:1) burada oynanılıb. Bundan əlavə, stadion UEFA EURO 2020 çərçivəsində 3 qrup mərhələsi oyunu və 1/4 final qarşılaşmasına ev sahibliyi edib.

Mənbə: GettoSport