Borussiya Bakıya səfərdən əvvəl logistika problemləri yaşadı

18 oktyabr 2026 — Almaniyanın Borussia (Dortmund) komandası UEFA Çempionlar Liqasında Bakıdakı Sabah qarşılaşması öncəsi ciddi logistika və hazırlıq çətinlikləri ilə üzləşib. Klub rəsmiləri bunun səbəbi kimi sıx səfər qrafikini və təyyarənin yanacaq çəninin tutumunu göstərib.

Klubun idman məsələləri üzrə rəhbəri Lars Rikken uçuş zamanı təyyarənin aralıq eniş edəcəyini bildirib: “Əvvəlcə evə qayıdacağıq, bir neçə saat dincələcəyik, sonra isə, yəqin ki, aralıq enişlə Azərbaycana uçacağıq. Çünki təyyarənin yanacaq çəninin tutumu bu məsafəni fasiləsiz qət etməyə kifayət etmir”.

İdman direktorundan Ole Buk isə sıx təqvimin məşq prosesinə mənfi təsir etdiyini etiraf edib: “Hazırda və qarşıdakı həftələrdə məşq keçirmək baxımından vəziyyət xeyli çətindir. Çünki demək olar ki, hər həftə iki oyun keçiririk”.

Komandanın müdafiəçisi Valdemar Anton isə yorğunluğun meydandakı çıxışa bəhanə ola bilməyəcəyini vurğulayıb və oyunda istənilən vəziyyətdə maksimal səviyyədə hazır olmaq lazım olduğunu qeyd edib.

Qeyd olunur ki, Borussia Çempionlar Liqasında Norveçin Budyo-Qlimt komandasına 0:1 hesabı ilə məğlub olub, daha sonra Bundesliqada Union Berlinlə 0:0 hesablı heç-heçə edilib. Sabah - Borussia matçı oktyabrın 20-də Bakıda keçiriləcək.

Mənbə: GettoSport