Borussiya Sabahın gücünü etiraf etdi və hədəf qoydu

20 oktyabr 2026, Çərşənbə axşamı.

Dortmund "Borussiya"sının idman məsələləri üzrə icraçı direktoru Lars Rikken UEFA Çempionlar Liqasında bu gün Bakı Olimpiya Stadionunda keçiriləcək "Sabah"la oyundan əvvəl komandasının məqsədini və son durumunu açıqlayıb. Görüş saat 20:45-də başlayacaq.

Rikken klubun rəsmi saytına verdiyi açıqlamada ardıcıl üç qarşılaşmada qələbə qazana bilməmələrinin "Borussiya" üçün qəbuledilməz olduğunu deyib və bu vəziyyətdən narahat olduğunu bildirib. O, eyni zamanda mövsümün əvvəlində Bundesliqada, Almaniya Kubokunda və Çempionlar Liqasında yaradılan yaxşı vəziyyəti xatırladıb.

Klub rəsmisi "Sabah"ın güclü tərəflərini xüsusi vurğulayıb: "Sabah" müdafiədə çox güclü komandadır və özünəinamı yüksəkdir. Çempionatda birinci yerdədirlər, Çempionlar Liqasında da qələbə qazanıblar. Buna baxmayaraq, məqsədimiz Bakıdan qələbə ilə qayıtmaq olmalıdır".

Rikken həmçinin komanda üzərində təzyiqin olduğunu gizlətməyərək bunu motivasiya və üstünlük kimi qəbul etməyə çağırıb: "Əlbəttə, müəyyən təzyiq var. Amma düşünürəm ki, bunu daha çox motivasiya və üstünlük kimi qəbul etməliyik. Çünki bu, qarşımıza yüksək hədəflər qoyduğumuzu göstərir".

Mənbə: GettoSport