Bursaspor Mardin qarşısına 3 əsas futbolçu ilə çıxır
Bursaspor I Liqanın 9-cu turunda Mardinə qarşı oynayacaq; tam heyətlə məşq edən komandada Lyuis Beker, Tayfun Aydoğan və Toral Bayramovun rolu vurğulanır.
GettoSport redaksiyası••1 dəq oxu
11 oktyabr 2026 — Türkiyə I Liqasının 9-cu turu çərçivəsində Bursaspor öz meydanında Mardinlə qarşılaşacaq. Üç həftəlik fasilədən sonra tam heyətlə məşqlərə başlayan komanda bu matçdan yüksək nəticə gözləyir.
Yerli mətbuata istinadən bildirilib ki, qarşılaşmada Bursasporun əsas ümidləri Lyuis Beker, zədədən bərpa olunan Tayfun Aydoğan və Azərbaycan millisindən dönən Toral Bayramov olacaq. Xüsusilə Toralın yığmadan yaxşı vəziyyətdə qayıtdığı və bu durumun klubun oyununa müsbət təsir göstərə biləcəyi qeyd olunub.
Mütəxəssislər bu üç futbolçunun performansına görə Bursasporun qalib gələcəyini və liderlər zonasındakı mövqeyini qoruyacağına dair proqnoz veriblər.
Komanda məşqləri tam heyətlə keçildiyi üçün məşqçilər heyətinin taktiki variantları və ilkin start düzülüşü barədə qərarlarını matça yaxın müəyyənləşdirəcəyi bildirilir.
Mənbə: GettoSport
Toral Bayramov
Azərbaycan millisi
