Cahangir Fərəcullayev işdən çıxarılanlara təsəlli verib

17 oktyabr 2026‑cı il tarixində AFFA-nın Media Departamentində 8 əməkdaşın işdən çıxarıldığı bildirilib. İşdən çıxarılan şəxslər baş katib Cahangir Fərəcullayevə narazılıqlarını çatdırıblar və qərarın vaxtı ilə bağlı etiraz ediblər.

Əməkdaşların əsas iradı odur ki, əgər onlarla əməkdaşlıq davam etdirilmək istənilmirdisə, bunu yeni futbol mövsümü başlamazdan əvvəl demək lazım idi. Onlar qeyd ediblər ki, belə olsaydı, klublarda açıq vakansiyalar vaxtında əldə edilə bilərdi.

Bu arqumentə cavab olaraq Cahangir Fərəcullayev işdən çıxarılanlara təsəlli verib və onlara “narahat olmayın, AFFA vitrindi, işsiz qalmayacaqsız” tipli ifadələr səsləndirib.

İşdən azad edilənlər arasında Vətən müharibəsi iştirakçısı Mehman Əşrəfov da var; o, Laçın və Qubadlının azad edilməsinə görə medallarla təltif edilib.

Mənbə: GettoSport