Coy-Lens Mikkels Bakıda Slavia üzərində qələbəni şərh etdi

14 oktyabr 2026 — Sabahın hücumçusu Coy-Lens Mikkels Çempionlar Liqasının əsas mərhələsinin ikinci turunda Bakıda Slavia üzərində qazandıqları 2:0 hesablı qələbəni şərh edib.

Mikkels qarşılaşmanın çətin keçdiyini vurğulayıb: “Çox çətin oyun idi. Slavia-nın necə oynayacağını bilirdik. Amma düşünürəm ki, yaxşı hazırlaşmışdıq. Asan olmasa da, öz oyunumuzu oynamağa çalışdıq: Çempionlar Liqasında hər kəs çempiondur, ona görə də hər an vacibdir.”

Ruandalı forvard matçın gedişindən söz açaraq ilk hissədə komandanın bir az şanslı olduğunu, ikinci hissədə isə rəqiblərdən daha yaxşı göründüklərini bildirib. O, yaxın həftə Dortmundun Borussiya komandası ilə keçiriləcək qarşılaşmaya daha yaxşı hazırlaşmaq lazım olduğunu əlavə edib: “Düşünürəm ki, Borussiya-ya qarşı daha da yaxşı oynamalıyıq. Amma qələbəyə görə çox qürur duyuruq. Stadiona gələn azarkeşlərə təşəkkür edirik. Ümid edirik ki, gələn həftə Borussiya ilə matçda daha çox insan gələcək.”

Mikkels vurduğu qol və matçın ən yaxşısı seçilməsi barədə də danışıb: “Vurduğum qola gəldikdə isə, xüsusi idi. Amma düzünü desəm, həmin epizodda çox şanslı idim. Bu, Çempionlar Liqasında xüsusi bir andır. Matçın adamı seçildim, amma düşünürəm ki, digər oyunçularımızdan bəziləri müdafiədə parlaq oynadıqları üçün buna məndən daha çox layiq idilər. Buna baxmayaraq, bu mükafatla fəxr edirəm. Bu, bizim üçün tarixi bir andır.”

Mənbə: GettoSport