David Otorbini üçün Liverpul 30 milyon avro ödəməyə hazırdır

24 oktyabr 2026 — İngiltərənin "Liverpul" klubu "Valensiya"nın 19 yaşlı hücumameyilli oyunçusu David Otorbini transfer etmək üçün hərəkətə keçib.

Klub həm İspaniya təmsilçisinin rəhbərliyinə, həm də futbolçunun agentlərinə müqavilədə nəzərdə tutulan 30 milyon avroluq sərbəstqalma məbləğini (təxminən 59 milyon manat) ödəməyə hazır olduğunu çatdırıb.

Valensiya isə gənc futbolçunu itirmək istəmir və "Liverpul"dan qabağa düşmə məqsədilə Otorbinin müqaviləsini daha üç il müddətinə uzatmaq hüququndan istifadə etməyi planlayır. Razılaşma həyata keçərsə, sərbəstqalma məbləği iki dəfə artırılaraq 60 milyon avroya (təxminən 118 milyon manat) yüksələcək.

Cari mövsümdə David Otorbi La Liqada səkkiz oyun keçirib və bir qol vurub. Onun hazırkı müqaviləsi 2028-ci ilin yayına qədər qüvvədədir. Transfermarkt portalı futbolçunun bazar dəyərini 3,5 milyon avro qiymətləndirir.

Mənbə: GettoSport