Dilyen Açemi Zaqatala matçında daha çox qol gözlədiyini dedi

23 oktyabr 2026, Cümə.

Gəncəbasarın hücumçusu Dilyen Açemi Birinci Liqanın VI turunda Zaqatala üzərində qələbə qazandıqları matçdan sonra komandasının performansı və şəxsi hədəfləri barədə danışıb. Açemi rəqibə hörmət etdiklərini, amma daha böyükhesablı qələbə gözlədiyini söyləyib.

21 yaşlı futbolçu ötən oyunla bağlı: “Rəqibə hörmətlə yanaşırıq, amma düşünürəm ki, daha çox qol vura bilərdik. Bizim də digər komandalar kimi əsas hədəfimiz mövsümün sonunda çempionluğu qazanmaqdır. Ancaq qarşıda uzun yol var və hələ bizi çoxlu çətin oyunlar gözləyir”, — deyib.

Açemi həmçinin bombardirlər yarışındakı liderliyini qorumağa çalışacağını vurğulayıb, lakin sonadək bunu təmin edib-etməyəcəyini öncədən deməyib: “Bombardirlər yarışında liderliyi mövsümün sonuna qədər qoruyub saxlaya biləcəyimi indidən demək çətindir. Əsas odur ki, komandama fayda verim və qollarımla komandaya faydalı olum. Mövsümün sonunda necə olacağını zaman göstərəcək. Vuracağım qolların sayına gəlincə, bunu açıqlamaq istəmirəm. Bu, Allahla mənim aramda olan bir sirrdir”.

Qeyd edək ki, Açemi altı oyunda 12 qol vuraraq Birinci Liqanın bombardiri vəziyyətindədir.

Mənbə: GettoSport