Dino Ndlovu 6 milyon rand dələduzluğun qurbanı oldu

23 oktyabr 2026. Keçmiş Qarabağ hücumçusu Dino Ndlovu beynəlxalq biznes sövdələşməsi nəticəsində təxminən altı milyon Cənubi Afrika randi (təxminən 617 min AZN) itirdiyini açıqlayıb. Hadisənin Dubayla əlaqəli şəxslərin iştirak etdiyi razılaşma zamanı baş verdiyi bildirilir.

Məlumata görə, Ndlovunun ilkin itkisi beş milyon randı keçib; o, vəsaitin geri qaytarılması üçün şəxsi detektiv işə götürüb və bu məqsədlə əlavə təxminən bir milyon rand xərcləyib. Sövdələşmədə iştirak edən şəxslərin pulu qəbul etdikdən sonra yoxa çıxdığı vurğulanır.

Hadisədən sonra Ndlovu bizneslə məşğul olmaq istəyənləri tərəfdaşlarını diqqətlə yoxlamağa və müqavilələrin hüquqi tərəflərinə xüsusi önəm verməyə çağırıb.

Hazırda Ndlovu fəaliyyətini yeni istiqamətdə davam etdirir: o, xrom hasilatı sahəsinə sərmayə qoymağa başlayıb. Bundan öncə sabiq hücumçu gecə klubu, istirahət məkanı və qonaq evi biznesi ilə məşğul olub; gələcəkdə futbol klubu sahibi və oyunçu agenti olmaq niyyətindədir.

Dino Ndlovu 2016–2018-ci illərdə "Qarabağ"ın formasını geyinib. O, 2017-ci ildə Danimarkanın "Kopenhagen" klubuna qarşı səfər oyununda vurduğu qolla Ağdam təmsilçisinin UEFA Çempionlar Liqasının qrup mərhələsinə yüksəlməsində mühüm rol oynayıb. Ağdam klubunun heyətində Ndlovu 54 oyun keçirib, 19 qol və 7 asist müəllifidir.

Cənubi Afrika Respublikasının sabiq milli üzvü karyerası ərzində Azərbaycanla yanaşı, İsrail, Kipr, Çin və Türkiyədə də çıxış edib.

Mənbə: GettoSport