Elvin Cəfərquliyev fərdi məşqlərə başlayıb

15 oktyabr 2026 — "Qarabağ" və Azərbaycan millisinin müdafiəçisi Elvin Cəfərquliyev bərpa prosesində irəliləyiş göstərərək fərdi fiziki məşqlərə başlayıb. Futbolçu məşqlərdən görüntüləri şəxsi sosial şəbəkə hesabında paylaşıb və kliplərdə ayağındakı əməliyyat izi görünür.

Cəfərquliyev sentyabrın əvvəlində ayağından aldığı ciddi zədə üzündən Finlandiyada əməliyyat olunub. Klubun əvvəlki açıqlamasında onun ən azı üç ay yaşıl meydanlardan uzaq qalacağı bildirilmışdı.

Ağdam klubunun mətbuat xidməti həmçinin xəbər verib ki, Elvin Cəfərquliyevlə yanaşı Dieqo Rosa və İsmael Toafek hazırda müalicə‑bərpa prosesindən keçir və hər üç futbolçu oktyabrın 17-də Tofiq Bəhramov adına Respublika stadionunda saat 19:00-da keçiriləcək Misli Premyer Liqasının səkkizinci turundakı "Neftçi" oyununda iştirak etməyəcək.

Klubun açıqlamasına görə, hər üç oyunçunun bərpasının gedişi mütəmadi olaraq qiymətləndiriləcək və gələcək iştirak barədə əlavə məlumat veriləcək.

Mənbə: GettoSport