Emil Əsədov Premyer Liqada ən yaxşı transferi qiymətləndirdi

16 oktyabr 2026 — FİFA meneceri Emil Əsədov bildirib ki, Azərbaycan Premyer Liqasında yay transfer pəncərəsinin ən yaxşı və ən uğurlu transerindən biri futbolçu yox, müasir düşüncəli baş məşqçi gətirməkdir. Əsədov bu fikirləri Asadov Pro Bridje şirkətinin rəhbəri kimi açıqlayıb.

Baş məşqçinin rolu və faydaları

Əsədov vurğulayıb ki, normal səviyyəli heyət belə Avropa təcrübəsinə və müasir futbol düşüncəsinə malik məşqçinin rəhbərliyi altında bir pillə yuxarı çıxa bilər. O, düzgün baş məşqçinin təkcə nəticəyə təsir etmədiyini, həmçinin futbolçuların fərdi inkişafını sürətləndirdiyini, klubun transfer siyasətinə istiqamət verdiyini və komandanın bazar dəyərini artırdığını deyib.

Agent əlavə edib ki, yaxşı məşqçi klub daxilində peşəkar futbol mühitinin formalaşmasına da kömək edir. Əsədovun sözlərinə görə, bu cür seçimlər uzunmüddətli layihələrin qurulmasına və davamlı uğura təkan verir.

Bununla belə, o, Azərbaycana dəvət olunan bəzi əcnəbi məşqçilərin müasir futbol tələblərinə cavab vermədiyini, artıq köhnəlmiş oyun modellərinə üstünlük verdiklərini və nəticədə ölkədə uzun müddət qala bilmədiklərini qeyd edib. Əsədov klub rəhbərliyinin bəzi hallarda məşqçi profili və uzunmüddətli idman strategiyasını düzgün qiymətləndirmədiyini, bunun vaxt və maliyyə itkisinə səbəb olduğunu da vurğulayıb.

Mənbə: GettoSport