Erlinq Holand Premyer Liqanın ən yaxşı futbolçusu seçildi

16 oktyabr 2026 — ESPN İngiltərə Premyer Liqasında bu mövsümün ən yaxşı futbolçusunu müəyyənləşdirib və siyahının ilk pilləsini Erlinq Holand tutub.

Reytinq hazırlanarkən oyunçunun istedad səviyyəsi, komandaya verdiyi fayda və mövqedəki orta səviyyəli oyunçulardan nə dərəcədə üstün olması kimi meyarlar əsas götürülüb. Zədəli futbolçular siyahıya daxil edilməyib.

ESPN-in tərtib etdiyi ilk onluq belədir:

• 1. Erlinq Holand, "Mançester Siti"
• 2. Deklan Rays, "Arsenal"
• 3. Bukayo Saka, "Arsenal"
• 4. Rayan Şerki, "Mançester Siti"
• 5. Bruno Fernandes, "Mançester Yunayted"
• 6. Qabriel Maqalyayes, "Arsenal"
• 7. Jeremi Doku, "Mançester Siti"
• 8. Mark Qehi, "Mançester Siti"
• 9. Moyses Kaysedo, "Çelsi"
• 10. Martin Odeqor, "Arsenal"

Əlavə olaraq, "Liverpul"un futbolçusu Dominik Soboslay siyahıda 13-cü sırada yer alıb.

Reytinq Premyer Liqada fərqlənən oyunçuların bu mövsümkü təsirini qiymətləndirmək məqsədilə hazırlanıb və ESPN-in seçim meyarları əsasında yekunlaşdırılıb.

Mənbə: GettoSport