Eyden Makkarti Borussiya qarşısında ÇL-də ilk qolunu vurdu

21 oktyabr 2026 — "Sabah"ın hücumçusu Eyden Makkarti UEFA Çempionlar Liqasında "Borussiya"ya qarşı oyunda komandasının yeganə qolunu vurub. Matçdan sonra o, qolun onun üçün xüsusi əhəmiyyət kəsb etdiyini və nəticədən öyrəniləsi çox şey olduğunu bildirib.

Makkartinin fikirləri

Futbolçu müsahibədə dedi: “Əlbəttə, nəticə bizim üçün yaxşı deyil. Bu oyundan öyrənəcəyimiz çox şey var. Amma UEFA Çempionlar Liqasında ilk qolumu vurmağım və bunu ‘Sabah’ın heyətində etməyim mənim üçün çox böyük hadisədir. Bu, karyeramda xüsusi yer tutacaq və heç vaxt unutmayacağım anlardandır”.

Makkarti həmçinin Cənubi Afrikadakı azarkeşlərə və ailəsinə təşəkkür edib: “Bu, hər kəsin xatırlayacağı və sevincini bölüşəcəyi anlardandır. Sosial şəbəkələrdə böyük coşqu olduğunu görürəm, baş verənləri izləyirəm. Vətənimdəki bütün azarkeşlərə, mənə dəstək olan insanlara və ailəmə sevgimi çatdırmaq istəyirəm. Onların hər bir dəstəyini görürəm və buna görə çox minnətdaram”.

O, meydançadakı atmosfer barədə də danışaraq “Məncə, atmosfer çox yaxşı idi. Gəldiyim ölkədə 100 min azarkeş tutumu olan stadionlarda da oynamışam. Buna görə də atmosfer mənə təsir etmir. Meydanda olduğum zaman bütün diqqətimi oyuna yönəldirəm” sözlərini əlavə edib. Makkarti həmçinin “Slaviya” ilə müqayisədə bu matçda daha çox azarkeşin iştirak etdiyini və "Borussiya" tərəfdarlarının fəallığını qeyd edib.

Mənbə: GettoSport