Eyden Makkarti: Sabahın Vikinqlə matçına güvənir

Sabahın müdafiəçisi Eyden Makkarti noyabrın 4-dən 5-nə keçən gecə, Bakı vaxtı ilə saat 00:00-da keçiriləcək Çempionlar Liqasının IV turunda Norveç təmsilçisi Vikinqlə oyunöncəsi mətbuat konfransında komanda və özünə güvəndiyini bildirib. Bu barədə Sportinfo.az məlumat yayıb.

Makkartinin sözlərinə görə, komandada hər vəziyyətin öhdəsindən gəlməyə çalışacaqlar: "Komanda yoldaşlarıma və özümə güvənirəm. Düşünürəm ki, hər vəziyyətin öhdəsindən bacardığımız qədər yaxşı gələcəyik. 'Vikinq' də bizi nəzərə almalıdır".

Müdafiəçi rəqibin əks-hücumlarına qarşı ehtiyatlı olmağın vacibliyini xüsusi qeyd edib və komandanın bütün xəttlərinin birlikdə oynamağı zəruri saydığını söyləyib: "Təkcə müdafiə xətti yox, bütün komanda birlikdə, vahid kollektiv kimi oynamalıdır. Hər vəziyyət fərqli həll tələb edir".

Çempionlar Liqasında vurduğu ilk qolun ona özünəinam verdiyini də dilə gətirən Makkarti əlavə edib: "Bu, özünəinamı artırır. Belə fürsət hər kəsə tez-tez nəsib olmur. Mənim üçün əsas odur ki, bunu növbəti oyuna daşıyım və yenidən fürsət düşsə, topu qapıya göndərim. Həmçinin müdafiədə etibarlı oynamalıyıq".

Mənbə: Sportinfo.az

Hazırladı: GettoSport