Fərid Nəbiyev Gəncədəki stadionun ab‑havasını tərifləyib

2 noyabr 2026. İmişlinin hücumçusu Fərid Nəbiyev bazar günü Gəncədə keçirilən Kəpəz–İmişli oyunundan sonra yenilənmiş stadiondakı ab‑havanı və azarkeşləri tərifləyib. Oyunda meydan sahibləri Namiq Ələsgərovun cərimə zərbəsindən vurduğu qolla 1:0 hesabı ilə qalib gəlib (1 noyabr 2026). Bu barədə Sportinfo.az məlumat yayıb.

Nəbiyev müsahibəsində qeyd edib ki, “Yenidən Gəncədə - yenilənmiş stadionda və bu cür möhtəşəm azarkeşlərin qarşısında oynamaq həqiqətən fərqli hislərdir”.

O, matçın gedişi barədə də fikirlərini bölüşüb: “Maraqlı oyun keçdiyini düşünürəm. İlk hissədə qol vurduğumuz epizodda rəqibin ayağına toxunuş olmasaydı, gedişat və nəticə fərqli ola bilərdi. Ümumi götürəndə ‘Kəpəz’den geri qaldığımızı deməzdim. Sadəcə vurduqları qol baxımlı və gözlənilməz alındı. Belə qollar nadir hallarda vurulur, o da bizim başımıza gəldi. Həmin nöqtədən qapıya kifayət qədər məsafə var idi. Namiq Ələsgərov karyerası ərzində buna bənzər qollar vurub deyə, bir qədər diqqətli davransaydıq, bəlkə də qol olmazdı. Etiraf edək ki, çox yaxşı qol vurdu.”

Nəbiyev həmçinin stadiondakı atmosferin onu ən çox sevindirdiyini vurğulayıb: “Ən çox sevindirən məqam stadiondakı ab‑havaydı. Kaş bütün stadionlarımızada belə atmosfer ola. Onda oyunlar indikindən də maraqlı keçər”. Qeyd edək ki, matçda Azər Salahlı ilk hissədə rəqib qapısının torunu silkələyib, lakin həmin epizod qol kimi qeydə alınmayıb.

Mənbə: Sportinfo.az

Hazırladı: GettoSport