Gəncə BK məşqçi Knezeviçinin iddialarını təkzib etdi
Gəncə BK baş məşqçi Martin Knezeviçin otel liftinin enməsi və oyunçuların xəsarət alması barədə iddialarını əsassız sayıb, ona rəsmi xəbərdarlıq verib.
GettoSport redaksiyası••1 dəq oxu
10 oktyabr 2026 — Gəncə BK klub rəhbərliyi baş məşqçi Martin Knezeviçin Esenler Erokspor-a məğlubiyyətdən sonra sosial şəbəkədə səsləndirdiyi iddiaları qəti şəkildə təkzib edib.
Knezeviç bildirib ki, oteldə lift üç mərtəbə aşağı düşməsi nəticəsində beş basketbolçu xəsarət alıb və buna görə oyunun təxirə salınması üçün müraciət edilməli olsa da, klubun bu tələbi rədd edib. Məşqçi həmçinin bu nüansı məğlubiyyətin səbəbi kimi göstərmişdi.
Klubun bəyanatında isə oteldə yaranmış texniki nasazlığın dərhal aradan qaldırıldığı, heç bir oyunçunun xəsarət almadığı vurğulanır. Bildirilib ki, adı çəkilən beş oyunçudan dördü həmin matçda meydana çıxıb, bir oyunçu isə məşqçinin qərarı ilə ehtiyat oyunçu kimi qalıb.
Rəhbərlik əlavə edib ki, oyunun təxirə salınması üçün heç bir quruma müraciət olunmayıb. Klub Knezeviçinin açıqlamalarını məğlubiyyətə bəhanə gətirmə və peşəkar prinsipləri pozma kimi qiymətləndirib və onun hərəkətinə görə rəsmi xəbərdarlıq verildiyini açıqlayıb.
Gəncə BK xəbərdarlıqda belə hallar təkrarlanacağı təqdirdə məşqçi ilə müqavilənin dərhal xitam veriləcəyini qeyd edib.
