Haas Godzilla dizaynını Ostindəki trasa gətirir

17 oktyabr 2026 — Amerika komandası Haas TOHO ilə birgə hazırladığı Godzilla temalı xüsusi dizaynı ABŞ-ın Ostin şəhərində Circuit of the Americas trasında təqdim edəcək. Komanda bu görünüşlə mövsümün 18-ci yarışı — ABŞ Qran Prisi ərəfəsində mübarizə aparacaq.

Esteban Okon və Oli Berman Ostində Suzukidəki dizayndan fərqlənən bolidlərlə yarışacaqlar. Komandanın yarış kombinezonları və pit heyətinin avadanlıqları da Godzilla mövzusuna uyğun hazırlanacaq.

Yeni rəng çaları və Godzilla x TGR Haas F1 Team adlı xüsusi azarkeş kolleksiyası oktyabrın 19-da onlayn təqdim olunacaq. Ostində keçiriləcək təqdimat tədbirində komanda rəhbəri Ayo Komatsu, pilotlar Esteban Okon və Oli Berman, ehtiyat pilot Cek Duhan və F1 Akademiyasının pilotu Keyli Kauntriman iştirak edəcəklər.

Komanda oktyabrın 23–25-də Barton Creek Square ticarət mərkəzində şou bolid və yeni məhsulların nümayiş etdiriləcəyini bildirir; bu, azarkeşlərə xüsusi dizaynı yaxından görmək imkanı yaradacaq.

Haas rəhbəri Ayo Komatsu əməkdaşlıq barədə bunları bildirib: "Yaponiya Qran-prisində TOHO və Godzilla ilə birlikdə əldə etdiklərimizlə fəxr edirdik. Canavarlar kralını öz evimiz Ostinə gətirməkdən böyük məmnunluq duyuruq. Bu ikinci xüsusi dizaynla Formula 1-də yeni bir səhifə açırıq. Godzilla əfsanəvi obrazdır. Bu əməkdaşlığı ABŞ-də yenidən həyata keçirmək həm komandamız, həm də azarkeşlərimiz üçün xüsusi hadisə olacaq".

Qeyd edək ki, Ostində keçiriləcək xüsusi dizayn ABŞ-da kinoteatrlarda nümayiş olunacaq yeni Godzilla filmi Godzilla Minus Zero-nun premyerasından bir qədər əvvəl — film noyabrın 6-da nümayiş olunacaq.

Mənbə: GettoSport