Hans-Diter Flik Real Madrid-i El-Klasiko öncəsi tərifləyib

24 oktyabr 2026 — "Barselona"nın baş məşqçisi Hans-Diter Flik El-Klasiko qarşılaşmasından əvvəl "Real Madrid" barədə fikirlərini açıqlayıb. O, rəqibi yüksək dəyərləndirərək komandada böyük özünəinam və keyfiyyətli oyunçular olduğunu bildirib.

Flik komandanı belə xarakterizə edib: "Çox özünəinamlı bir komanda görəcəyimi gözləyirəm. Söhbət böyük klubdan, əla oyunçulardan və baş məşqçidən gedir. Mən rəqibi məhz belə dəyərləndirirəm. Onların heyətində xüsusilə hücum xəttində çox keyfiyyətli futbolçular var. Son oyunlarda yaxşı təsir bağışlayıblar."

Almaniyalı mütəxəssis El-Klasikonun xüsusi əhəmiyyətinə də toxunub: "El-Klasiko xüsusi qarşılaşmadır. Düşünürəm ki, bu, futbolun ən yaxşı oyunudur. Bütün dünya bu matçı izləyir. Meydanda üç xal uğrunda mübarizə gedir, amma bu, sadəcə üç xal üçün oyun deyil, bundan daha artığıdır. Belə bir hadisənin bir hissəsi olmaq möhtəşəmdir."

Flik həmçinin komandasında oyun planının aydın olduğunu və hazır olduqlarını vurğulayıb: "Komandamda hər kəs necə oynamaq istədiyimizi yaxşı bilir. Hazırıq və özümüzə güvənirik."

Mənbə: GettoSport