Hansi Flik Enrikenin komandalarını məğlub etməyə çalışacaq

18 oktyabr 2026 — Hansi Flik rəhbərlik etdiyi Barcelona komandası Çempionlar Liqasında oktyabrın 20-də Parisdə PSJ ilə qarşılaşacaq. Oyun Bakı vaxtı ilə saat 23:00-da "Park de Prens" stadionunda başlayacaq və görüşü ingiltərəli hakim Maykl Oliver idarə edəcək.

Almaniyalı mütəxəssisə qarşılaşma xüsusi əhəmiyyət daşıyır — Flik karyerası ərzində Luis Enrikenin çalışdırdığı komandaları hələ məğlub etməyib. Onların indiyədək iki dəfə üz-üzə gəldiyi görüşlərin biri heç-heçə, digəri isə Enrikenin qələbəsi ilə nəticələnib.

İlk duel 2022-ci ildə Qətərdə keçirilən dünya çempionatında baş tutub: Almaniya ilə İspaniya 1:1 hesablı bərabərliklə ayrılıb. Alvaro Morata 62-ci dəqiqədə hesabı açmış, Niklas Füllkruq isə son dəqiqələrdə balansı təmin etmişdi. İkinci görüş isə ötən mövsüm Çempionlar Liqasında olub və Barcelona doğma meydanda PSJ-yə 1:2 hesabı ilə uduzub. O oyunda Ferran Torres kataloniyalıları önə çıxarsa da, Senni Mayulu 38-ci dəqiqədə bərabərlik yaratmış, Qonsalu Ramuş isə son dəqiqələrdə qələbə qolunu vurmuşdu.

Komandaların turnir cədvəlindəki mövqeyi də qələbənin vacibliyini artırır: hər iki klub ilk iki turdan sonra altı xal toplayıb. Parisdə qazanılacaq üç xal Barcelona-ya Çempionlar Liqasında liderliyə yüksəlmək imkanı verə bilər. Flik üçün isə bu, Enrikenin komandalarına qarşı ilk qələbə üçün üçüncü cəhətdir.

Mənbə: GettoSport