Honda 500-cü Qran Prisinə xüsusi loqo və tədbirlərlə hazırlaşır

21 oktyabr 2026 — Honda Formula 1-də iştirakının 500-cü Qran Prisini Circuit of the Americas (COTA) trasında xüsusi loqo və tədbirlərlə qeyd edəcək. Aston Martin pilotları Ləns Stroll və Fernando Alonso-nun bolidlərində yarış həftəsonunda Honda500 loqosu olacaq, mühəndislər isə xüsusi formada çıxış edəcəklər.

Cümə günü səhər pit-leyndə xatirə fotosu üçün komanda üzvləri və Honda əməkdaşları bir araya gələcək. Fotoda Ləns Stroll, Fernando Alonso, Lourens Stroll və Adrian Nyui-nin iştirak edəcəyi bildirilib.

Honda Racing Corporation-un prezidenti Koji Vatanabe çıxışında şirkətin F1-də 1964-cü ildən bəri keçirdiyi yolu xatırlayıb: “Honda 1964-cü ildə Formula 1-də ilk dəfə iştirak etdiyi vaxtdan bəri avtoidmanın zirvəsində saysız-hesabsız qələbələr və faciələr yaşayıb. Şirkətimizin bu mühüm mərhələyə — 500-cü Qran Prisinə çatmasından məmnunam.”

Vatanabe həmçinin Honda-nın azarkeşlərə, tərəfdaşlara və pilotlara təşəkkürünü bildirərək Aston Martin komandası ilə əməkdaşlığı vurğulayıb: “Honda-nı inkişafının hər mərhələsində dəstəkləyən dünyanın müxtəlif ölkələrindəki azarkeşlərə, bütün tərəfdaşlarımıza və Honda pilotlarına, həmçinin yeni çağırışı qəbul etmək üçün əməkdaşlığa başladığımız Aston Martin komandasına təşəkkürümü bildirmək istəyirəm. Tariximiz və nailiyyətlərimizlə fəxr edən Honda dünyanın hər yerindəki azarkeşlərini sevindirmək məqsədilə Formula 1-in çağırışını qəbul etməyə davam edir”.

Mənbə: GettoSport