İmişli məşqçisi Perkons qələbə sonrası danışdı

18 oktyabr 2026 — İmişli-nin baş məşqçisi Ervins Perkons komandasının görüşdən sonra jurnalistlərə müsahibə verərək futbolçuların səy və istəyi üçün təşəkkür edib və üç xalı haqq etdiklərini bildirib.

Perkonsun açıqlaması

Perkons birinci hissədə komandası ilə bağlı fikirlərini belə ifadə edib: “Birinci hissədə çox möhtəşəm performans sərgilədilər. Bütün boşluqları bağlaya bildilər. İkinci hissədə o qədər də yaxşı deyildik. Çünki enerjimiz bitmişdi. Amma yenə də üç xal bizim haqqımız idi”.

Baş məşqçi həmçinin oyunun gedişində etdiyi dəyişikliklərə toxunub: “Enerjini artırdıq. Rəqibə təzyiq göstərmək məsələsini də dəyişdik. Oyunçulardan bəlkə də çox şey tələb etmişdik. Amma onlar bunu çox yaxşı yerinə yetirdilər. Komandanın meydançadakı düzülüşünü də dəyişmişdik. Bunlar daha çox ön plana çıxdı”.

Perkonsun müsahibəsindən aydın olub ki, o hazırda komandanın baş məşqçisi statusunda oynayır, lakin rəhbərliklə bu barədə rəsmi müzakirə aparılmadığını vurğulayıb: “Hələ ki çox da uzağı düşünmürəm. Son hadisələrdən sonra mənə məlumat verildi ki, baş məşqçiyəm. Yəni ki, bu həftəlik. Əlimdən gələni etdim, bu oyun üçün hazırlaşdıq. Amma ümumi olaraq siz bu sualı kluba ünvanlamalısınız. Burada olduğum müddətdə əlimdən gələni edəcəm. Rəhbərliklə bu haqda danışmamışam. Sadəcə bizi təbrik etdilər”.

O, həmçinin Azərbaycanda çalışan ikinci latviyalı məşqçi olduğunu xatırladıb və Aleksandr Starkovla əlaqələrindən danışıb: “Bu bir az gülməli hadisədir. Çünki PRO lisenziyasına hazırlaşanda, hər zaman yanındaydı, müəllimim idi, hər zaman mənə məsləhətlər verirdi. Davamlı olaraqda görüşürdük. Azərbaycana gəlməmişdən əvvəl, hətta onunla danışdım və məsləhətləşdim ki, 'sizcə, gedim, yoxsa necə?'. Bildirdi ki, get, yaxşı təcrübə olardı. Hələ də onunla əlaqədəyik”.

Mənbə: GettoSport