İmişli Şamaxını 2:1 hesabı ilə məğlub etdi

25 oktyabr 2026 — Misli Premyer Liqasının 9-cu turunda İmişli Şamaxını 2:1 hesabı ilə məğlub edib.

Oyundan sonra keçirilən mətbuat konfransında İmişlinin baş məşqçisi Ervins Perkons komandasının qələbəsindən və tətbiq etdikləri taktiki dəyişiklikdən danışıb. O, matçı bərabər səviyyəli keçdiyini, xüsusilə ikinci hissədə çoxlu imkanlar yaradıqlarını bildirib.

"Bərabər səviyyədə oyun keçdi. Xüsusən də, ikinci hissəni qeyd edərdim. Çox şanslarımız var idi, yüksək təzyiqlə oynadıq. Bu da rəqibə problem yaratdı."

Perkons qeyd edib ki, Şamaxı əvvəlki 7 oyunda uduzmayıb və onlar qarşısında sürpriz etmək üçün düzülüşü dəyişərək iki hücumçu ilə riskə gediblər. Baş məşqçi həmçinin fasilədən sonra rəqibin gedişatı dəyişdiyini, bundan sonra komandanın bir qol buraxdığını, lakin daha sonra tempə qayıdıqlarını vurğulayıb.

"Biz 'Şamaxı'ya sürpriz etmək istəyirdik... Ona görə düzülüşümüzü dəyişdik, iki hücumçu ilə oynadıq... Riskə getdik, bəhrəsini verdi. Turnir cədvəlindəki daha aşağı pillədə yer alan komanda bəlkə də bərabərliyə razı olardı. Amma biz razı olmadıq, risk aldıq. Sonda da futbol tanrısı bizə kömək etdi və penalti qismətimiz oldu."

Perkons penalti fürsətindən yararlanıb və son dəqiqələrdə müdafiədə yaxşı oynamağın qələbəni təmin etdiyini söyləyib. Ümumilikdə o, komandasının üç xal qazanmasının haqqı olduğunu bildirib.

Mənbə: GettoSport