İmişli Şamaxını məğlub etdi, Bağırov səhvləri etiraf etdi

25 oktyabr 2026 — Misli Premyer Liqasının 9-cu turunda İmişli ilə Şamaxı arasında keçirilən görüşdə meydan sahibləri 2:1 hesabı ilə qalib gəlib.

Görüşdən sonra Şamaxı klubunun baş məşqçisi Azər Bağırov mətbuat konfransında komandasının çıxışına münasibət bildirib. O, qarşılaşmanın çətin keçdiyini, İmişlidə baş məşqçi dəyişikliyinin olduğunu və rəqibin buna uyğunlaşdırmağa çalışdıqlarını söyləyib.

Bağırov əsas problemi ötürmələrdə etdikləri səhvlər kimi qiymətləndirib: “Sadəcə ilk hissədə ötürmələrdə səhvlərimiz çox oldu. Təəssüfləndirən məqam odur ki, həm birinci, həm də ikinci qolda rəqib heç nə yaratmamışdı, bizim səhvlərimiz oldu.”

Baş məşqçi həmçinin ikinci hissədə komandanın toparlandığını və qol vurduqlarını qeyd edib, lakin oyunun sonlarında penalti təyin olunmasının nəticəyə təsir etdiyini vurğulayıb: “Təəssüf ki, oyunun sonlarındakı penalti təyin edildi..O epizod hakimlər tərəfindən necə dəyərləndirildi...Buna çox qarışmaq istəmirəm. Məğlub duruma düşdük. Çalışacağıq ki, daha yaxşı, daha möhkəm kollektiv olaq. Qarşıdakı bütün maneələri aradan qaldırmağa çalışacağıq. Allah qoysa, hər şey yaxşı olar. Qarşıdakı oyunlara daha yaxşı hazırlaşacağıq.”

Mənbə: GettoSport