İngiltərə U-15 yığması Bakıya heyətini açıqladı

21 oktyabr 2026 — İngiltərə 15 yaşadək futbolçulardan ibarət milli komandası oktyabrın 24-dən 30-dək Bakıda keçiriləcək ilk U-15 dünya çempionatı və FIFA festivalı üçün heyətini açıqlayıb. Baş məşqçi Mett Torp 14 oyunçunu milliyə çağırıb.

Heyətdə “Mançester Yunayted”dən müdafiəçi Cozef Akinsanya və yarımmüdafiəçi Brayan Nyoni, “Liverpul”dan Kobi Akerеле, “Tottenhem”in yetirməsi Ayzek Allen, “Vest Hem”dən Emmanuel Famokun və Portuqaliyanın “Benfika” klubundan Pirs Pinnok yer alır.

Komandanın heyətində həmçinin “Blekbern”, “Nottingem Forest”, “Şeffild Yunayted”, “Vest Bromviç”, “Derbi Kaunti”, “Plimut” və “İpsviç” akademiyalarının yetirmələri də vardır.

Turnir cədvəli və format

İngiltərə yığması C qrupunda Kamboca, Monteneqro, Nikaraqua, İrlandiya və Zimbabve ilə mübarizə aparacaq. Komanda ilk görüşünü oktyabrın 24-də Nikaraquaya qarşı keçirəcək, ertəsi gün Monteneqro və Kamboca ilə üz-üzə gələcək, oktyabrın 26-da isə İrlandiya və Zimbabve ilə qarşılaşacaq.

Yarışın əsas hissəsi Hövsan yarış kompleksində təşkil ediləcək. Qarşılaşmalar səkkizə səkkiz formatında keçiriləcək və hər oyunda iki hissə olacaq; hər hissə 20 dəqiqə davam edəcək. Qrup mərhələsindən sonra komandalar növbəti mərhələlərdə mübarizəni davam etdirəcəklər, final qarşılaşmaları oktyabrın 30-da baş tutacaq.

FIFA-nın festivali və U-15 dünya çempionatında ümumilikdə 191 milli komandanın iştirak edəcəyi, yarışa gələn futbolçu, məşqçi və rəsmi şəxslərin sayının isə üç mindən çox olacağı bildirilib.

Mənbə: GettoSport