İnter Çempionlar Liqasında qələbə həsrətinə son qoydu

"İnter" UEFA Çempionlar Liqasının üçüncü turu çərçivəsində keçirilən matçda "Şaxtyor" üzərində minimal hesablı (1:0) qələbə qazanaraq turnirdəki uğursuzluq zolağından çıxıb.

Kristian Kivunun rəhbərlik etdiyi Milan təmsilçisi bu nəticə ilə qitənin ən nüfuzlu klub turnirində beş oyundan sonra ilk qalibiyyətini təmin edib.

Bu görüşə qədər "neradzurri" turnir tarixindəki ən uğursuz seriyasını yaşamış və ardıcıl dörd matçda məğlubiyyətlə üzləşmişdi. Komanda cari mövsümün ikinci turunda "Brügge"yə 3:4, açılış qarşılaşmasında isə "Real Madrid"ə 1:2 hesabı ilə uduzmuşdu. İtaliya klubu ötən mövsümün 1/8 final mərhələsində isə "Bude-Qlimt"lə hər iki duelində (1:3 və 1:2) məğlub olmuşdu.

Mənbə: GettoSport