Joze Mourinyo Real Madrid qələbələrindən danışdı

Joze Mourinyo komandasının İspaniya La Liqasında "Valensiya" üzərində qazandığı 3:0 hesablı qələbədən sonra kollektivin daxili ab-havası haqqında fikirlərini bölüşüb. Bu barədə Offsideplus.az məlumat yayıb.

"Real Madrid"in baş məşqçisi bildirib ki, bu cür nəticələr klub üçün adəti hala çevrilib və qeyri-adi coşğu yaratmamalıdır:

Mən daim futbolçulara bildirirəm ki, "Real Madrid" kimi klubda qələbələr qeyri-adi sevinc yaratmamalıdır. Bu komanda üçün qələbə adi haldır. Hazırda paltardəyişmə otağında hamı xoşbəxtdir, amma dəhşətli və bərk musiqi səslənir (gülür). Məğlub olanda isə xaos yaranır və bu, bəzən klubun ətrafına, azarkeşlərə də sirayət edir. Amma komandanın daxilində biz həmişə sakitliyimizi qoruyuruq.

Mənbə: Offsideplus.az

Hazırladı: GettoSport