Karlos Augusto İnterdə yeni 3 illik müqavilə imzalayacaq

23 oktyabr 2026 — Milano: İtaliya çempionu İnter braziliyalı sol cinah müdafiəçisi Karlos Augustonun klubdakı gələcəyinə qərar verib və futbolçu ilə 3 illik yeni müqavilə imzalanacağı bildirilib.

Klubla mövcud anlaşmasının 30 iyun 2028-ci il tarixinə qədər qüvvədə olduğu qeyd olunan 27 yaşlı oyunçuya təklif olunacaq yeni sözləşmənin müddəti üç ildi.

Karlos Augusto 2023-cü ilin yayında Montsa klubundan İnterə transfer olunub. Braziliya millisinin üzvü cari mövsümdə Milan təmsilçisinin heyətində 7 rəsmi matçda meydana çıxaraq 4 qol vurub və 2 məhsuldar ötürmə edib.

Klub rəhbərliyi və futbolçunun yaxın çevrəsi arasında aparılan danışıqların sonunda qarşılıqlı razılıq əldə olunub və yaxın günlərdə rəsmi açıqlamanın gələcəyi vurğulanıb.

Mənbə: GettoSport