Kəpəz futbolçusu Vadim Abdullayev rəqiblərin hamısına hörmət göstərdi

15 oktyabr 2026 — Kəpəz-in futbolçusu Vadim Abdullayev komandasının 9 oktyabrda Araz-Naxçıvan üzərində 2:0 səfər qələbəsindən sonra verdiyi açıqlamada bu mövsüm heç bir rəqibi asan saymadı və gələcək görüşlərə ehtiyyatla yanaşdı.

Abdullayev qeyd edib ki, səfərdə qazanılan 3 xal xüsusi əhəmiyyət daşıyır və komanda hər oyunda sona qədər mübarizə aparır: “Bu mövsüm bizim üçün asan rəqib deyəcəyimiz komanda yoxdur. Hər rəqib bizim üçün güclüdür. Kim daha çox istəyir, meydançada mübarizə aparırsa, o komandada daha çox avantajlı olur. Ona görədə hər rəqibə hörmətlə və ciddi yanaşırıq”.

Futbolçu Gəncədəki azarkeş dəstəyindən də danışıb: “Atmosfer hamıya bəllidir. Buradakı futbol ab-havası möhtəşəmdir. Azarkeşlər möhtəşəmdir, komandanın yanında sona qədər dəstək olurlar. Biz də onlar üçün çalışırıq ki, eyni əzmi meydançada onlara geri qaytaraq”.

Abdullayev həmçinin komandanın Misli Premyer Liqasının 8-ci turunda üz-üzə gələcəyi Zirə ilə bağlı fikirlərini çatdırıb. O, Zirəni çempionatın ən keyfiyyətli kollektivlərindən biri saydığını bildirərək qarşıdakı oyunun ağır keçəcəyini və ciddi hazırlaşdıqlarını vurğulayıb.

Mənbə: GettoSport