Kəpəz komandasından Şəhidlər Xiyabanına ehtiram ziyarəti

8 noyabr 2026, Bazar — Gəncədə fəaliyyət göstərən Kəpəz klubunun rəhbərliyi, əsas komandanın məşqçi, texniki və futbolçu heyəti Zəfər Günü münasibətilə şəhərdəki Şəhidlər Xiyabanını ziyarət edib. Bu barədə Sportal.az məlumat yayıb.

Ziyarət çərçivəsində komanda əvvəlcə Şəhidlər Xiyabanındakı "Əbədi məşəl" abidəsinin önünə əklil qoyub. Daha sonra qəhrəman şəhidlərin məzarları üzərinə tər güllər düzülərək xatirələri ehtiramla yad edilib.

Komandanın səfərində fan-klubun üzvləri Anar Məmmədov və Əmrah Rajapov da iştirak edib. Həmçinin ziyarət zamanı Gəncə futbolunun yetirməsi və vaxtilə Kəpəzdə forma geyinmiş İlqar Bürcəliyevin məzarı üzərinə də gül dəstələri qoyularaq onun ruhuna dualar oxunub.

Ziyarət zamanı iştirakçılar şəhidlərin ailələri və vətən uğrunda canlarından keçənlərin xatirəsinə dərin hörmətlərini ifadə ediblər.

Mənbə: Sportal.az

Hazırladı: GettoSport