Lamin Yamal aşpazlıq dərslərinə başladı

16 oktyabr 2026. Barselonanın hücumçusu Lamin Yamal futboldan kənarda aşpazlığa maraq göstərərək evində xüsusi dərslər almağa başladı. Gənc oyunçu hər axşam evinə gələn peşəkar aşpazdan müxtəlif yeməklərin hazırlanmasını öyrənir.

Yamalın sözlərinə görə, aşpaz axşamlar onun evinə gəlir, o, yeməyi hazırlayanda prosesə baxır və bəzi işlərdə iştirak edir: "Bəli, aşpaz axşamlar evimə gəlir. O, mənim üçün yemək hazırlayır, mən isə prosesə baxıram və bəzi işlərdə iştirak edirəm. Tədricən öyrənirəm. Çətindir, amma yavaş-yavaş irəliləyirəm".

Futbolçu anasından öyrəndiklərinin bu maraqda böyük rol oynadığını vurğulayıb. Yamal xüsusilə iki milli yeməyi öyrənmək istədiyini söyləyib: Mərakeş mətbəxinə məxsus kuskus və Ekvatorial Qvineyada məşhur yerfındıqlı düyü. Onun bu seçimləri ailəsinin mənşəyi ilə bağlıdır — atası Munir Mərakeşdən, anası Şeyla isə Ekvatorial Qvineyadandır.

Yamalın anasının ona oyunlardan əvvəl güc toplaması üçün yerfındığı souslu düyü hazırladığı daha əvvəlki müsahibələrində də qeyd olunub. Futbolçunun aşpazlığa marağı onun futboldan kənar həyatına həsr olunan sənədli filmdə yer alıb.

Sənədli filmin həmmüəlliflərindən və rejissorlarından Xavi Torresin bildirdiyinə görə, ekran işi Yamalın şəxsi həyatı, ailəsi və böyüdüyü mühitlə yanaşı, onun qol sevinci zamanı göstərdiyi "304" işarəsinin mənasını da əks etdirir. Film irqçilik, miqrasiya, bərabər imkanlar və Kataloniya cəmiyyətinin mədəni müxtəlifliyi kimi mövzuları işıqlandırır.

Mənbə: GettoSport