Leandro Andrade 10-cu turda Polesye üçün qol vurdu

24 oktyabr 2026 — Keçən yay "Qarabağ"dan ayrılıb Ukraynanın "Polesye" klubuna keçən Leandro Andrade evdə "Obolon"la oyunda komandasının 3:0 hesablı qələbəsində qol vurub.

Ukrayna çempionatının 10-cu turunda keçirilən qarşılaşmada Andrade matçın 9-cu dəqiqəsində hesabı açıb. "Polesye"nin qalan qollarını İqor Krasnopir (59) və Vladislav Veleten (70) vurublar.

Bu, Andradenin "Polesye" təmsilçisi kimi rəsmi görüşlərdə vurduğu 3-cü qol hesab olunur. O, əvvəlki oyunlarda "Kudrivka" ilə həm çempionat, həm də kubok matçlarında fərqlənmişdi.

10 turdan sonra 25 xalı olan "Polesye" Ukrayna çempionatında liderliyini qoruyur. Bir oyun az keçirən "Şaxtyor" 24 xalla ikinci sıradadır.

Mənbə: GettoSport