Luis Enrique Yamalı Messiyə bənzətməməyi tövsiyə etdi

19 oktyabr 2026 — Paris Sen-Jermen-in (PSJ) baş məşqçisi Luis Enrique Çempionlar Liqasında Barcelona ilə qarşılaşma öncəsi kataloniyanın cinah oyunçusu Lamin Yamal barədə fikirlərini bölüşüb. Enrique həm Yamalın oyun xarakterini, həm də onu Lionel Messi ilə müqayisə etməyi şərh edib.

Baş məşqçi müdafiə taktikası barədə belə deyib: "Yamala qarşı ən yaxşı müdafiə üsulu topa sahib olmaqdır. Bu, bizim üçün ideal ssenaridir, lakin hər şey fərqli ola bilər, çünki Barcelona-ya qarşı oynamağın nə qədər çətin olduğunu bilirik. Biz diqqətimizi və konsentrasiyamızı qoruyuruq. Bunu komanda kimi aşmalıyıq".

Yamalın Messi ilə müqayisəsinə münasibət bildirən Enrique əlavə edib: "Lamin oyunundakı bütün elementləri təkmilləşdirir. Amma onu bütün dövrlərin ən yaxşı futbolçusu Messi ilə müqayisə etmək mənasızdır, bu heç kimə xeyir verməz. Yamal çox ağıllıdır, özünün ən yaxşı versiyası olmaq istəyir, lakin onu Messi ilə müqayisə etmək düzgün deyil".

Mənbə: GettoSport