Marko Roze Mançester Yunaytedə aqressiv oyun gözləyir

24 oktyabr 2026, Şənbə — Bornmutun baş məşqçisi Marko Roze Premyer Liqada Mançester Yunaytedlə səfər oyunu ərəfəsində futbolçularını xəbərdar edib. Roze bazar günü Old Traffordda keçiriləcək qarşılaşmada rəqibin son uğursuzluqlar fonunda meydanda daha böyük istək və aqressiya göstərəcəyini proqnozlaşdırır.

Roze mətbuat konfransında bildirib: “Əminəm ki, Karrik futbolçularına mentalitetin, göstərilən səylərin və oyuna münasibətin vacibliyini izah edəcək”. O həmçinin Mançesterdə yaşanan söz-söhbətlərin Bornmuta avtomatik üstünlük qazandırmayacağına əmin olmadığını vurğulayıb.

Baş məşqçi əlavə edib: “Düşünürəm ki, onlar qəzəbli və çox aqressiv olacaqlar. Buna hazır olmalıyıq. Açıq futbol oynamaq və sonda qalib gəlmək istəyirik”. Roze komandasından oyunun əvvəlindən sona qədər diqqətli olmağı, enerjini və inamı qorumağı tələb edib.

Almaniyalı çalışdırıcı həmçinin Mançesterdə yaranan təzyiqin rəqibi daha təhlükəli edə biləcəyini qeyd edib: “Elə bir məqam gəlir ki, istər məşqçi, istər klub, istərsə də futbolçu olaraq artıq itirəcəyin heç nə qalmır. Buna görə də belə rəqiblərlə oynamaq həmişə çətindir”.

Roze bildirib ki, Bornmut oyuna fokuslanmalı, öz futbolunu göstərməli və meydana yaranan vəziyyətlərə düzgün reaksiya verməlidir.

Mənbə: GettoSport