Martin Demichelis "Real Madrid" məğlubiyyətini şərh etdi

"Leypsiq"in baş məşqçisi Martin Demichelis UEFA Çempionlar Liqasının qrup mərhələsində "Real Madrid"ə 1:4 hesabı ilə məğlub olduqları oyundan sonra açıqlama verib.

Mütəxəssis yenidən uduzduqları və dörd qol buraxdıqları üçün tam razı qalmadığını etiraf edib: "Lakin topa nəzarət zamanı göstərdiyimiz oyun xoşuma gəldi. Məncə, fasiləyə hesabda geridə getməyi əsla haqq etmirdik. Amma ikinci hissədə "Real Madrid" oyunun gedişini daha yaxşı nəzarətdə saxladı".

Komandasının bütün qarşılaşma boyu xarakter nümayiş etdirdiyini vurğulayan baş məşqçi məğlubiyyəti sevmədiyini, lakin "Bavariya" ilə matçdan fərqli olaraq bu dəfə fərqli komanda təsiri bağışladıqlarını bildirib: "Özümüzü inamlı hiss edirdik, hətta top qapımıza yaxınlaşanda belə, o cümlədən cərimə meydanımızda. Yaxşı imkanlar yaratdıq, Thibaut Courtois isə niyə dünyanın ən yaxşı qapıçısı sayıldığını göstərdi".

Mənbə: GettoSport