Mauritsio Sarri UEFA və FIFA-ya şikayət etməyə çağırdı

16 oktyabr 2026, Bakı. "Atalanta"nın baş məşqçisi Mauritsio Sarri oyunların sıx təqvimini sərt tənqid edib və UEFA ilə FIFA-ya şikayət etməyə çağırıb.

Sarri bildirib ki, mövcud oyun qrafiki futbolçuların sağlamlığına mənfi təsir göstərir: “Futbolçular məntiqsiz və absurd oyun təqviminin təsirinə məruz qalırlar. Bu həftə çoxsaylı əzələ zədələri qeydə alınıb. UEFA və FIFA-dan şikayət etmək lazımdır.”

Baş məşqçi həmçinin İtaliya Futbolçular Assosiasiyasının reaksiyasız qalmasına təəccübünü ifadə edib: “İtaliya Futbolçular Assosiasiyasının niyə heç nə deməməsi və susması məni təəccübləndirir”.

Qeyd edək ki, "Atalanta" İtaliya A Seriyasında altı turdan sonra doqquz xal toplayıb və turnir cədvəlində 10-cu pillədə qərarlaşıb.

Mənbə: GettoSport